PURIFICATIONES et PIACULA

PURIFICATIONES et PIACULA
quibus in Veteri Testam. expurgarisolebant immunditiae et violata ceremoniarum religio expiari, fiebant tum in Sacrificiis, tum in Lotionibus et Aspersionibus, Hebr. c. 9. v. 13. Et quidem Sacrificium Puerperae describitur Levit. c. 12. v. 6. 7. 8. Gonorrhaei Levit. c. 15. v. 14. Mulieris fluentis, Levit. c. eôd. v. 29. Leprosi Levit. c. 14. v. 10. quod omnes offerebant, postquam porobe purgati et abluti essent. Communis vero Purificationum ratio et quasi caput consistebat in Balneis, Levit. c. 15. v. 16. in quibus a quâ vivâ totum corpus abluebatur, quae ablutio Hebraeis Gap desc: Hebrew. Ei affinis erat manuum ablutio, quam anxie et superstitiose iam inde ab antiquis tem poribus observabant, uti discimus ex Marci c. 7. v. 2. Sollennior vero erat Leprosi purificatio; quae fiebat adhibit is duabus avibus mundis, cedrô, hyssopô, lanâ coccinâ aliisque in Lege expressis ceremoniis: quibus peractis septimô die radendus erat leprosus corpusque mundandum balneô, inde septimô die iterum radi et lavari, octavô denique die sacrificia offerre, sanguine aspergi et oleô inungi debebat, Levit. c. 14. et seqq. Quô fere modô etiam domus expurgabantur. Prae coeteris autem omnibus singularis erat Purificatio pollutie morticino: quae aquae separationis, seu aquâ cinere vaccae rufae conspersâ peragebatur, Numeror. c. 19. v. 19. De quibus omnibus, et significatione eorum mystica, vide Franc. Burmannum, Synopsi Theol. Christian. Part. I. l. 4. c. 23. aliquid et infra voce Sanguis. Sed et in Ecclesia Romana hodieque purificari Mulicres, quae post partum in Ecclesiam veniunt, et benedictionem a Sacerdote accipiunt: et Purificatio, oblatio dicitur, quae ab istiusmodi Mulieribus offertur, candelâ comitata. Vide Car. du Fresne in Glossar. ubi etiam Purificatorium dici linteolum, quô in eadem Communione Sacerdos calicem Eucharisti cum extegit, post communionem vero eius locô spongiam a Graecis adhiberi, addit. In linteoli huius medio Crucem acu designari, ut a coeteris linteolis in usum Sacrisicii ut vocant praeparatis distinguatur, olim vero manipulum huic fini inserviisse, observat Dominicus Macer in Hierolex.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.